पाठातील महत्त्वाचे मुद्दे (Important Points)

• ज्या पदार्थांमध्ये चकाकी असते, जे कठीण असतात आणि ज्यांचे पत्रे व तारा बनवता येतात, त्यांना धातू (Metals) म्हणतात. उदा. लोखंड, तांबे, अल्युमिनियम.
• जे पदार्थ चमकदार नसतात, ठिसूळ असतात आणि उष्णता व विजेचे दुर्वाहक असतात, त्यांना अधातू (Non-metals) म्हणतात. उदा. कोळसा, सल्फर.
• वर्धनीयता (Malleability): ज्या गुणधर्मामुळे धातूंना ठोकून त्यांचा चपटा पत्रा तयार करता येतो, त्या गुणधर्माला वर्धनीयता म्हणतात.
• तन्यता (Ductility): ज्या गुणधर्मामुळे धातूंची ओढून तार काढता येते, त्या गुणधर्माला तन्यता म्हणतात.
• धातूंचा नादपूर्ण (Sonorous) आवाज येतो, त्यामुळे शाळेची घंटा धातूची बनलेली असते.
• सोडियम (Sodium) आणि पोटॅशियम (Potassium) हे धातू मऊ असतात आणि ते चाकूने कापता येतात.
• पारा (Mercury) हा एकमेव धातू आहे जो कक्ष तापमानाला द्रव (Liquid) अवस्थेत आढळतो.
• धातूंची ऑक्सिजनशी अभिक्रिया होऊन धातूंचे ऑक्साईड तयार होतात, जे अल्कधर्मी (Basic) असतात.
• अधातूंची ऑक्सिजनशी अभिक्रिया होऊन अधातूंचे ऑक्साईड तयार होतात, जे आम्लधर्मी (Acidic) असतात.