ಗಣರಾಜ್ಯೋತ್ಸವದ ನಿರೂಪಣೆ (Model Anchoring) ಎಂಬ ಈ ಪೋಸ್ಟ್ನಲ್ಲಿ ಜನವರಿ 26ರ ಗಣರಾಜ್ಯೋತ್ಸವ ಕಾರ್ಯಕ್ರಮವನ್ನು ಸುಂದರವಾಗಿ, ಕ್ರಮಬದ್ಧವಾಗಿ ಮತ್ತು ಅರ್ಥಪೂರ್ಣವಾಗಿ ನಿರೂಪಿಸುವ ಮಾದರಿ ನಿರೂಪಣೆಯನ್ನು ನೀಡಲಾಗಿದೆ. ಶಾಲೆ, ಕಾಲೇಜು ಹಾಗೂ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಬಳಸಬಹುದಾದಂತೆ ಈ ನಿರೂಪಣೆ ದೇಶಭಕ್ತಿ, ಸಂವಿಧಾನದ ಮಹತ್ವ ಮತ್ತು ಸ್ವಾತಂತ್ರ್ಯದ ಮೌಲ್ಯಗಳನ್ನು ಒಳಗೊಂಡಿದೆ. ವಿದ್ಯಾರ್ಥಿಗಳು, ಶಿಕ್ಷಕರು ಮತ್ತು ನಿರೂಪಕರಿಗೆ ಉಪಯುಕ್ತವಾಗುವಂತೆ ಸರಳ ಭಾಷೆ, ಸ್ಪಷ್ಟ ಕ್ರಮ ಹಾಗೂ ಆಕರ್ಷಕ ಪದಗಳೊಂದಿಗೆ ಈ ಮಾದರಿ ನಿರೂಪಣೆಯನ್ನು ತಯಾರಿಸಲಾಗಿದೆ.
ಗಣರಾಜ್ಯೋತ್ಸವದ ನಿರೂಪಣೆ
(Model Anchoring)
ಭಾರತಾಂಬೆಯ ಮಡಲಿನಲ್ಲಿ, ನದಿ ನದಗಳ ಹಾರವಿಟ್ಟು,
ಸೇತುವಿನಿಂದ ಸಿಂಧುವರೆಗೂ ಬೆಳೆದು ನಿಂತ ಭಾರತವೇ ನಮಗೆ ಹೆಮ್ಮೆ.”
ಗೌರವಾನ್ವಿತ ಅಧ್ಯಕ್ಷರೇ, ಇಂದಿನ ಕಾರ್ಯಕ್ರಮದ ಮುಖ್ಯ ಅತಿಥಿಗಳೇ, ನಮ್ಮ ಶಾಲೆಯ ಪ್ರಾಂಶುಪಾಲರೇ, ನೆಚ್ಚಿನ ಶಿಕ್ಷಕ ವೃಂದದವರೇ ಹಾಗೂ ನನ್ನ ಪ್ರೀತಿಯ ವಿದ್ಯಾರ್ಥಿ ಮಿತ್ರರೇ, ಎಲ್ಲರಿಗೂ ಶರಣು ಶರಣಾರ್ಥಿಗಳು.
ನಿಮ್ಮೆಲ್ಲರಿಗೂ 77 ನೇ (77th) ಗಣರಾಜ್ಯೋತ್ಸವದ ಹಾರ್ದಿಕ ಶುಭಾಶಯಗಳು! ಇಂದು ನಮ್ಮ ದೇಶವು ಸಾರ್ವಭೌಮ, ಪ್ರಜಾಸತ್ತಾತ್ಮಕ ಗಣರಾಜ್ಯವಾಗಿ ಉದಯಿಸಿದ ಈ ಮಹಾನ್ ದಿನವನ್ನು ಸಂಭ್ರಮಿಸಲು ನಾವೆಲ್ಲರೂ ಇಲ್ಲಿ ಒಗ್ಗೂಡಿದ್ದೇವೆ.
ಈಗ ಕಾರ್ಯಕ್ರಮದ ಅತಿ ಪವಿತ್ರವಾದ ಕ್ಷಣ. ನಮ್ಮ ಹೆಮ್ಮೆಯ ತ್ರಿವರ್ಣ ಧ್ವಜವನ್ನು ಬಾನಂಗಳದಲ್ಲಿ ಹಾರಿಸುವ ಸಮಯ.
ಗಗನದಲ್ಲಿ ಹಾರಾಡಲಿ ನಮ್ಮ ದೇಶದ ಹೆಸರು.”
ಆದೇಶ : “ಎಲ್ಲಾ ವಿದ್ಯಾರ್ಥಿಗಳು ಮತ್ತು ಶಿಕ್ಷಕರು ಇದ್ದ ಜಾಗದಲ್ಲಿ ನೇರವಾಗಿ ನಿಲ್ಲಬೇಕು. ಸಾವಧಾನ್… ವಿಶ್ರಾಮ್… ಸಾವಧಾನ್!”
ಬಾನಂಗಳದಲ್ಲಿ ಭಾರತದ ಭವ್ಯ ಬಾವುಟವನ್ನು ಹಾರಿಸಿ, ಭಾರತಾಂಬೆಯನ್ನು ಸ್ಮರಿಸಲು ನಾನು ನಮ್ಮ ಇಂದಿನ ಮುಖ್ಯ ಅತಿಥಿಗಳಲ್ಲಿ ಗೌರವಪೂರ್ವಕವಾಗಿ ವಿನಂತಿಸಿಕೊಳ್ಳುತ್ತೇನೆ.
(ಧ್ವಜಾರೋಹಣದ ನಂತರ)
“ರಾಷ್ಟ್ರಧ್ವಜಕ್ಕೆ ಗೌರವ ಸಲ್ಲಿಸಲು ಸಿದ್ಧರಾಗಿ… ಸಲಾಮಿ! (Salute). ಈಗ ರಾಷ್ಟ್ರಗೀತೆ ಆರಂಭವಾಗುವುದು.”
(ರಾಷ್ಟ್ರಗೀತೆಯ ನಂತರ ಘೋಷಣೆಗಳು): ಭಾರತ್ ಮಾತಾ ಕಿ – ಜೈ! ವಂದೇ – ಮಾತರಂ!
ಇದು ನಮ್ಮ ಭಾರತೀಯ ಸಂಸ್ಕೃತಿಯ ಶ್ರೇಷ್ಠ ಸಂಪ್ರದಾಯ. ನಮ್ಮ ಈ ಶುಭ ದಿನದ ಸಂಭ್ರಮಕ್ಕೆ ಸಾಕ್ಷಿಯಾಗಲು ಆಗಮಿಸಿರುವ ಎಲ್ಲಾ ಗಣ್ಯರನ್ನು ನಾನು ನಮ್ಮ ಶಾಲೆಯ ಪರವಾಗಿ ಹೃತ್ಪೂರ್ವಕವಾಗಿ ಸ್ವಾಗತಿಸುತ್ತೇನೆ.
ಅಜ್ಞಾನ ಮತ್ತು ಅಂಧಕಾರವನ್ನು ಹೋಗಲಾಡಿಸುವ ಏಕೈಕ ಅಸ್ತ್ರ ಎಂದರೆ ಅದು ಜ್ಞಾನ ಮತ್ತು ವಿದ್ಯೆ. “ದೀಪದ ಹಾಗೆ ನಮ್ಮಲ್ಲಿಯೂ ಸಂವಿಧಾನದ ಜ್ಞಾನದ ಜ್ಯೋತಿ ಸದಾ ಬೆಳಗಲಿ” ಎಂದು ಆಶಿಸುತ್ತಾ…
ವೇದಿಕೆಯ ಮೇಲಿರುವ ಎಲ್ಲಾ ಅತಿಥಿಗಳು ದೀಪವನ್ನು ಬೆಳಗುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಬೇಕೆಂದು ವಿನಂತಿಸುತ್ತೇನೆ.
ಸ್ನೇಹಿತರೇ, ಭಾರತವು 1947 ಆಗಸ್ಟ್ 15 ರಂದು ಬ್ರಿಟಿಷರಿಂದ ಸ್ವಾತಂತ್ರ್ಯವನ್ನು ಪಡೆದರೂ, ನಮಗೆ ನಮ್ಮದೇ ಆದ ಶಕ್ತಿಶಾಲಿ ಕಾನೂನು ಜಾರಿಗೆ ಬಂದಿದ್ದು 1950 ಜನವರಿ 26 ರಂದು.
ಡಾ. ಬಿ.ಆರ್. ಅಂಬೇಡ್ಕರ್ ಅವರ ನೇತೃತ್ವದಲ್ಲಿ ನಮ್ಮ ರಾಷ್ಟ್ರದ ಸಂವಿಧಾನ ರಚನೆಯಾಯಿತು, ಆದ್ದರಿಂದ ಅವರನ್ನು ‘ಸಂವಿಧಾನ ಶಿಲ್ಪಿ’ ಎಂದು ಗೌರವಿಸಲಾಗುತ್ತದೆ.
ಸುಮಾರು 2 ವರ್ಷ, 11 ತಿಂಗಳು ಮತ್ತು 18 ದಿನಗಳ (2 years, 11 months, 18 days) ಕಠಿಣ ಪರಿಶ್ರಮದ ನಂತರ ಸಿದ್ಧವಾದ ನಮ್ಮ ಸಂವಿಧಾನವು ವಿಶ್ವದ ಅತಿ ದೊಡ್ಡ ಲಿಖಿತ ಸಂವಿಧಾನವಾಗಿದೆ. ಇದು ನಮಗೆ ಸಮಾನತೆ, ನ್ಯಾಯ ಮತ್ತು ಸ್ವಾತಂತ್ರ್ಯದ ಹಕ್ಕುಗಳನ್ನು ನೀಡಿದೆ.
ಈಗ ನಮ್ಮ ಶಾಲೆಯ ಪ್ರತಿಭಾವಂತ ವಿದ್ಯಾರ್ಥಿಗಳು ತಮ್ಮ ವಾಣಿಯ ಮೂಲಕ ದೇಶಪ್ರೇಮದ ಕಿಡಿಯನ್ನು ಹಚ್ಚಲಿದ್ದಾರೆ.
ನಿರೂಪಣೆ: “ಸಂವಿಧಾನವು ಜಾರಿಗೆ ಬಂದ ಈ ದಿನವು ನಮ್ಮೆಲ್ಲರ ಭಾಗ್ಯದ ಬಟ್ಟಲು! ಸಂವಿಧಾನದ ಮಹತ್ವದ ಕುರಿತು ಮಾತನಾಡಲು ಈಗ ನಿಮ್ಮ ಮುಂದೆ ಬರುತ್ತಿದ್ದಾರೆ ನಮ್ಮ ಶಾಲೆಯ ವಿದ್ಯಾರ್ಥಿ…”
ಭಾಷಣದ ನಂತರ…
ನಿರೂಪಣೆ: “ವಿವಿಧತೆಯಲ್ಲಿ ಏಕತೆಯನ್ನು ಸಾರುವ ನಮ್ಮ ದೇಶದ ಸಂಸ್ಕೃತಿಯನ್ನು ಬಿಂಬಿಸಲು ವಿದ್ಯಾರ್ಥಿಗಳು ಈಗ ಸುಂದರವಾದ ದೇಶಭಕ್ತಿ ಗೀತೆ/ನೃತ್ಯವನ್ನು ಸಾದರಪಡಿಸಲಿದ್ದಾರೆ. ಜೋರಾದ ಚಪ್ಪಾಳೆಗಳೊಂದಿಗೆ ಸ್ವಾಗತಿಸೋಣ!”
ಕಾರ್ಯಕ್ರಮದ ಕೊನೆಯಲ್ಲಿ, ಇಂದಿನ ಸಮಾರಂಭದ ಅಧ್ಯಕ್ಷರು ನಮ್ಮ ವಿದ್ಯಾರ್ಥಿಗಳಿಗೆ ಮತ್ತು ಯುವ ಪೀಳಿಗೆಗೆ ಒಂದೆರಡು ಹಿತವಚನಗಳನ್ನು ನೀಡಿ ಆಶೀರ್ವದಿಸಬೇಕೆಂದು ಕೋರುತ್ತೇನೆ.
ವಂದನಾರ್ಪಣೆ (Vote of Thanks):
ಈ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದ ಎಲ್ಲಾ ಗಣ್ಯರಿಗೆ, ಮಾರ್ಗದರ್ಶನ ನೀಡಿದ ಶಿಕ್ಷಕರಿಗೆ ಮತ್ತು ಶಿಸ್ತಿನ ಸಿಪಾಯಿಗಳಾದ ವಿದ್ಯಾರ್ಥಿಗಳಿಗೆ ನಾನು ತುಂಬು ಹೃದಯದ ಧನ್ಯವಾದಗಳನ್ನು ಸಲ್ಲಿಸುತ್ತೇನೆ.
ನಾವು ಸದಾ ಭಾರತದ ಪ್ರಗತಿಗಾಗಿ ಮತ್ತು ಸಂವಿಧಾನದ ರಕ್ಷಣೆಗಾಗಿ ಒಟ್ಟಾಗಿ ದುಡಿಯೋಣ ಎಂದು ಪಣತೊಡೋಣ.
ಜೈ ಹಿಂದ್! ಜೈ ಕರ್ನಾಟಕ! ಜೈ ಭುವನೇಶ್ವರಿ!
ಗಣರಾಜ್ಯೋತ್ಸವ ಮಾದರಿ ನಿರೂಪಣೆಗಳು
