शाळा आणि महाविद्यालयांसाठी गुरुपौर्णिमा विशेष सूत्रसंचालन (Anchoring Script)
1. सुरुवात आणि स्वागत (Introduction and Welcome)
(कार्यक्रमाची सुरुवात एका सुंदर चारोळीने करावी.)
गुरु चरणी मान झुकवितो गुरुपौर्णिमा म्हणून नमन करतो.”
सुस्वागतम… सुस्वागतम… सुस्वागतम…!! उपस्थित सर्व मान्यवरांचे, गुरुजनांचे आणि माझ्या विद्यार्थी मित्रांचे मी आजच्या या गुरुपौर्णिमेच्या मंगलमय प्रसंगी मनःपूर्वक स्वागत करतो/करते.
“गुरुविण कोण दाखवील वाट, जीवनपथ हा, अवघड डोंगर घाट”. काही नाती रक्ताची असतात, पण ‘गुरु-शिष्य’ हे नाते रक्तापेक्षाही घट्ट असते. अज्ञानातून ज्ञानाकडे नेणाऱ्या सर्व गुरूंविषयी कृतज्ञता व्यक्त करण्याचा आजचा हा पवित्र दिवस आहे.
2. अध्यक्षीय निवड (Selection of President)
कुठलेही कार्य सिद्धीस जाण्यासाठी एका योग्य सारथ्याची गरज असते.
स्विकारुनी आमुची विनंती आपण भुषवावे अध्यक्षस्थान”
आजच्या कार्यक्रमाचे अध्यक्षस्थान आपल्या शाळेचे/महाविद्यालयाचे मुख्याध्यापक/प्राचार्य श्री./सौ. _______ यांनी स्वीकारावे अशी मी त्यांना विनंती करतो/करते, तसेच माझ्या सहकारी मित्राने याला अनुमोदन द्यावे.
3. दीपप्रज्वलन आणि प्रतिमा पूजन (Lamp Lighting)
आपल्या संस्कृतीत दिव्याची पूजा म्हणजे प्रकाशाची पूजा होय.
मान्यवरांनी शुभहस्ते प्रज्वलीत कराव्या ज्ञानज्योती”
मी कार्यक्रमाचे अध्यक्ष, प्रमुख पाहुणे आणि सर्व मान्यवरांना विनंती करतो की त्यांनी महर्षी व्यास आणि सरस्वती मातेच्या प्रतिमेचे पूजन व दीपप्रज्वलन करावे.
(दीपप्रज्वलन होत असताना हा श्लोक म्हणावा:)
गुरुः साक्षात परब्रम्ह तस्मै श्रीगुरवे नमः॥”
4. मान्यवरांचा परिचय व स्वागत (Introduction & Welcome of Guests)
(येथे प्रमुख पाहुण्यांचा परिचय द्यावा. पाहुण्यांचा परिचय देताना तो 30 ते 60 सेकंदांत, कमीत कमी शब्दांत आणि आदराने द्यावा. कोणतीही अतिशयोक्ती करू नये.)
ज्यांच्या उपस्थितीमुळे या कार्यक्रमाची शोभा द्विगुणित झाली आहे, असे आजचे प्रमुख पाहुणे आदरणीय _______ साहेब यांचे आपण टाळ्यांच्या गजरात स्वागत करूया.
करुनी उपकृत आम्हा स्विकारावे आमुचे स्वागत”.
(यानंतर मान्यवरांचे पुष्पगुच्छ किंवा पुस्तक देऊन स्वागत करावे.)
5. प्रास्ताविक (Introductory Speech)
आत्मा कार्यक्रमाचा दर्शविते तसे हे महत्व प्रास्ताविकाचे”.
आजच्या या कार्यक्रमाचे रूपरेषा आणि महत्त्व सांगण्यासाठी मी आपल्या शाळेतील/महाविद्यालयातील शिक्षक/विद्यार्थी _______ यांना प्रास्ताविक करण्यासाठी आमंत्रित करतो.
6. विद्यार्थ्यांची आणि शिक्षकांची मनोगते (Speeches)
गुरु म्हणजे केवळ शिक्षण देणारा शिक्षक नव्हे, तर तो अज्ञानातून ज्ञानाकडे नेणारा दीपस्तंभ असतो.
गुरु म्हणजे वाट उजळणारा, गुरुपौर्णिमेचा त्रिवार नमस्कार त्यांना”.
आता मी माझ्या विद्यार्थी मित्रांना विनंती करतो की त्यांनी आपले गुरुपौर्णिमेनिमित्त विचार मांडावेत.
(एकामागून एक विद्यार्थ्यांची नावे पुकारावीत. दोन भाषणांच्या मध्ये खालीलप्रमाणे चारोळ्यांचा वापर करावा:)
जीवनाला दिली नवी दिशा गुरुपौर्णिमेच्या कोटी कोटी शुभेच्छा”.
“गुरु म्हणजे विश्वास, गुरु म्हणजे प्रकाश।
गुरु म्हणजे आधार, गुरु म्हणजे संस्कार॥”.
7. अध्यक्षीय मार्गदर्शन (Presidential Address)
विद्यार्थ्यांच्या भाषणानंतर आता वेळ झाली आहे ती मार्गदर्शनाची.
तुमच्या शब्दातच आहे, जीवनाचे संपूर्ण शास्त्र…
त्यासाठी मान आहे… अध्यक्षीय मार्गदर्शनाचा”
मी आजच्या कार्यक्रमाचे अध्यक्ष महोदय यांना विनंती करतो की त्यांनी आपल्या अनमोल शब्दांनी आम्हा विद्यार्थ्यांना मार्गदर्शन करावे.
8. आभार प्रदर्शन (Vote of Thanks)
जेथे जेथे आहेत कार्यक्रमाचे शिल्पकार, तेंव्हा मानलेच पाहिजेत त्यांचेही मनपूर्वक आभार”.
आजच्या कार्यक्रमासाठी वेळात वेळ काढून उपस्थित राहिलेले प्रमुख पाहुणे, अध्यक्ष, सर्व शिक्षकवृंद आणि विद्यार्थी मित्रांचे मी शाळेच्या/महाविद्यालयाच्या वतीने मनःपूर्वक आभार मानतो.
बोधामृत पाजूनी ज्ञानाचे आम्हा उपकृत केले… स्विकारुनी हे आभार”.
9. समारोप (Conclusion)
आपल्या अनमोल मार्गदर्शनाने आम्हाला नवी दिशा मिळाली”.
शेवटी आता समारोपाची वेळ आली आहे. सन्माननीय अध्यक्षांच्या परवानगीने मी हा कार्यक्रम संपला असे जाहीर करतो. आजच्या कार्यक्रमाची सांगता राष्ट्रगीताने / पसायदानाने होईल. सर्वांना विनंती आहे की त्यांनी आपल्या जागी उभे राहावे.
!! जय हिंद – जय भारत !!
