दि. 28 मार्च 2024 रोजी कर्नाटक शिक्षण विभागाने तात्कालील क्रिया योजना जाहीर केली असून त्यानुसार 2024-25 या शैक्षणिक वर्षातील शैक्षणिक क्रिया योजनाविषयी…
वरील विषयाच्या अनुषंगाने सन 2023-24 या शैक्षणिक वर्षातील उपक्रम संपून 2024-25 या शैक्षणिक वर्ष सुरू होत असून राज्यभर एकसमान आणि यशस्वी अंमलबजावणीसाठी वार्षिक शैक्षणिक मार्गदर्शक तत्त्वे तयार करण्यात आली आहेत.या मार्गदर्शकतत्त्वांमध्ये वार्षिक/मासिक पाठांचे वाटप, सहपाठ्य कृती चाचणी आणि मूल्यमापन विश्लेषण,दर्जेदार शिक्षणासाठी परिणामाभिमुख उपक्रमांचे व्यवस्थापन आणि विविध शालेय स्तरावरील CCE उपक्रमांचे नियोजन आणि तयारी असे नियोजन करण्यात आले आहे.
प्रस्तुत शैक्षणिक वर्षात 29.05.2024 पासून शाळा सुरू करण्याचे सुचवण्यात आले आहे.त्यानुसार वार्षिक शैक्षणिक क्रिया योजना वेळापत्रक निश्चित करण्यात आले आहे.2024-25 या शैक्षणिक वर्षात राज्यातील सर्व सरकारी,अनुदानित आणि विनाअनुदानित प्राथमिक आणि उच्च माध्यमिक शाळांमध्ये एकसमान शैक्षणिक उपक्रम राबविण्‍यासाठी,शैक्षणिक कालावधी,सुट्ट्या आणि वार्षिक उपक्रम खालील प्रमाणे नियोजित करण्यात आले आहेत.
2024-25 सालातील शालेय कर्तव्याचे दिवस
प्रथम सत्र दिनांक 29.05.2024 ते 02.10.2024 पर्यंत
द्वितीय सत्र दिनांक 21.10.2024 ते 10.04.2025 पर्यंत
सुट्टी कालावधी
दसरा सुट्टी दिनांक 03.10.2024 ते 20.10.2024 पर्यंत
उन्हाळी सुट्टी दिनांक 11.04.2025 ते 28.05.2025 पर्यंत
2023-24 शैक्षणिक वर्षातील शाळा कर्तव्याचे दिवस आणि सुट्टीचे दिवस विवरण
1. शैक्षणिक वर्ष 2024-25 मध्ये एकूण उपलब्ध शालेय कर्तव्याचे दिवस – 244 दिवस
2.चाचण्या आणि मुल्यांकन कार्य (FA आणि SA)- 26 दिवस
3.सहपाठ्य उपक्रम/अभ्यासक्रम उपक्रम/स्पर्धा व्यवस्थापन – 24 दिवस
4.मूल्यमापन आणि परिणाम विश्लेषण कार्यासाठी- 10 दिवस
5.शालेय स्थानिक सुट्ट्या – 4 दिवस
6.अध्यापन-अध्ययन प्रक्रियेसाठी शिल्लक दिवस – 180 दिवस
विशेष सूचना:
1. नियमानुसार इयत्ता 5, 8 आणि 9 च्या SA-2 मूल्यमापनासह उर्वरित इयत्ता 1 ते 9 चा निकाल तयार करणे व 08.04.2024 रोजी प्राथमिक स्तरावर आणि दिनांक: 10.04.2024 रोजी हायस्कूल स्तरावर दुसरा समुदाय दत्त शाळा कार्यक्रम/पालक सभा आयोजित करून जाहीर करणे.
2. जून-2024 च्या पहिल्या आठवड्यात क्षेत्र शिक्षणाधिकाऱ्यांकडून शाळेने निर्धारित केलेल्या स्थानिक सुट्ट्यांची मान्यता घेणे आणि मान्यता घेतलेल्या तारखेलाच स्थानिक सुट्टी घेणे.
3. प्रस्तुत शैक्षणिक वर्ष 10-04-2024 रोजी संपत आहे.इयत्ता 1 ली ते 9 वी पर्यंतची मूल्यांकन पूर्ण झाले आहे.त्यांचा निकाल वा ग्रेड तयार करणे आणि 25.04.2024 SATS मध्ये सर्व निकाल अपडेट करणे.
4. सर्व प्राथमिक आणि माध्यमिक शाळांचे मुख्याध्यापक, सहशिक्षक आणि SDMC/खाजगी शाळांना संबंधित व्यवस्थापन समिती आणि मुलांच्या सहकार्याने सध्याच्या लोकसभा निवडणुकीच्या मार्गदर्शक तत्त्वांचे पालन करून दिनांक : 14-04-2024 रोजी डॉ. बी.आर.आंबेडकर जयंतीची चांगली तयारी करून साजरी करावी.
5. 2024-25 या वर्षासाठी सरकारी शाळांमधील इयत्ता 1 ते 10 च्या सर्व विद्यार्थ्यांसाठी दोन संच मोफत गणवेश, मोफत पाठ्यपुस्तके आणि खाजगी शाळांसाठी पाठ्यपुस्तके आधीच संबंधित तालुक्यांना पुरवली जात आहेत.पहिल्या टप्प्यात ते संबंधित शाळांचे मुख्याध्यापकामार्फत दिनांक: 10-04-2024 पर्यंत मुलांपर्यंत पोहोचवली जावीत.त्यानंतर टप्प्याटप्प्याने ते मुलांपर्यंत पोहोचवून शाळा प्रारंभोत्सव दिवशी मुलांना गणवेश घालून आणि पाठ्यपुस्तके घेऊन शाळेत येतील याची व्यवस्था करण्यात यावी.
6. शाळांना उन्हाळी सुट्ट्या दिनांक: 11-04-2024 ते दिनांक: 28-05-2024 जाहीर करण्यात आल्याने, शाळेच्या मुख्याध्यापकांनी शालेय साहित्य व कार्यालयीन कागदपत्रे व मध्यान्ह भोजन साहित्य सुरक्षित ठेवावे आणि लोकसभा निवडणुकीसाठी शाळांचा मतदान केंद्र असलेल्या शाळांना आवश्यक ती मदत करावी.
1. विद्यार्थ्यांचा शाळा प्रवेश/नोंदणी प्रक्रिया दि.31.05.2024 या शाळा सुरू होण्याच्या तारखेपासून सुरू करून दि. 30.06.2024 पर्यंत पूर्ण करावी.
2. काही मुले सतत शाळेत गैरहजर राहत असतील किंवा अर्ध्यावरच शाळा सोडत असतील तर शिक्षण संयोजक,CRP आणि BRP यांच्या सतत संपर्कात राहून शाळेत नांव नोंदणी व मुख्य प्रवाहात शाळेत नावनोंदणी व प्रचार मोहिमेद्वारे त्यांना शाळेच्या प्रवाहात आणण्यासाठी प्रयत्न करणे.
3. ख्रिसमस सुट्टीची घेऊ इच्छिणाऱ्या शाळांनी,शैक्षणिक संस्थांनी त्यांच्या कार्यक्षेत्रातील जिल्हा उपनिर्देशक (प्रशासकीय) यांच्याकडे ख्रिसमसच्या सुट्टीची मागणी सादर करावी.संबंधित जिल्हा उपनिर्देशक (प्रशासकीय) यांनी त्यांच्या मागणीचा आढावा घेऊन निर्णय घ्यावा.तसेच डिसेंबर महिन्यात दिलेल्या ख्रिसमसच्या सुट्टीचा कालावधी ऑक्टोबर महिन्याच्या सुट्टीत कमी करून त्याची भरपाई करण्याची कार्यवाही करावी.
9. वर्ष 2024-25 साठी वार्षिक शैक्षणिक मार्गदर्शक तत्त्वे तयार केली जातील आणि परिपत्रकामध्ये प्रकाशित केली जातील. त्यानुसार शाळा/CRC/तालुका आणि जिल्हा स्तरावर कृती आराखडा तयार करून त्याची अंमलबजावणी करावी.
10. मागील वर्षी 5वी आणि 8वी आणि 9वी वर्गासाठी मुल्यांकनाचे काम करण्यात आले होते.सद्या 2024-25 या वर्षासाठी या मुल्यांकन प्रक्रियेची अंमलबजावणी करणेसाठी स्वतंत्र परिपत्रकात सूचित केले जाईल.
