बौद्ध परंपरा आणि इतर संकीर्ण…पुस्तकाचे मांगूर येथे जंगी स्वागत… (BOUDDHA PARAMPARA ANI ITAR SANKIRNA LEKH..)

 

        मांगूर गावचे सुपुत्र डॉ. संतोष भोसले हे वनस्पती शास्त्राचे विद्यावाचस्पती म्हणजे पीएचडी डॉक्टर आहेत. ते उच्च विद्याविभूषित आहेत. तरीही समाज बदलावा, त्यात सम्यक परिवर्तन घडावे यासाठी त्यांनी लेखणी हातात घेतली आहे!”बौद्ध परंपरा आणि इतर संकीर्ण लेख” या लेखसंग्रहात एकूण ८ लघु लेख आहेत.सर्व लेख अतिशय सोप्या व ओघवत्या भाषेत लिहिले गेले आहेत. सामान्य माणूस व तळातील कार्यकर्ते यांना डोळ्यासमोर ठेऊन त्यांच्या प्रबोधनासाठी सदर लेखांचे लेखन केले गेले आहे. प्रत्येकाने शांतीदूत बुद्धांचे विचार वाचलेच पाहिजे अशा या पुस्तकाचे दि. 26 जून 2022 माणगाव ता. हातकणंगले येथे झाले आहे.सदर पुस्तकांसाठी संपर्क- 9011631853.

      डॉ. संतोष भोसले यांच्या या नवीन वाटचालीस शुभेच्छा देण्यासाठी आज दि.13 जुलै रोजी मांगूर येथे वर्गमित्रांनी स्वागतपर सत्कार समारंभ संपन्न झाला.या सत्कार प्रसंगी डॉ.भोसले यांचे बालपणीचे सवंगडी उपस्थित होते. सर्वांनी खूप आदराने पुस्तकाचे स्वागत केले आणि गौतम बुद्धांची प्रतिमा भेट देवून त्यांच्या साहित्यिक वाटचालीस शुभेच्छा दिल्या.
या प्रसंगी अनुप्रास पाटील,गणेश कांबळे यांनी मनोगत व्यक्त केले.शेरखान मुल्ला,सागर जळणे,गजानन तेली,सुनिल पाटील,अमित कामिरे, डॉ.जयंत कांबळे, बाहुबली इंग्रोळे,अरुण पाटील,मोहन कोगनोळे, संतोष मानकापुरे आदी वर्गमित्र उपस्थित होते.