लोककल्याणकारी, रयतेचा जाणता राजा शिवछत्रपती !! SHIVAJI MAHARAJ

 लोककल्याणकारी, रयतेचा जाणता राजा शिवछत्रपती !! –




लोककल्याणकारी, रयतेचा जाणता राजा शिवछत्रपती !! SHIVAJI MAHARAJ





 

छत्रपती शिवाजीराजे भोसले हे मराठा साम्राज्याचे संस्थापक होते.भोसले कुळातील या राजाने विजापूरच्या आदिलशाहीविरुद्ध आणि मोगल साम्राज्याविरुद्ध संघर्ष करून मराठा स्वराज्य स्थापन केले.रायगड ही राजधानी असलेले स्वतंत्र मराठा राज्य शिवाजी राजांनी उभे केले.शिवाजी हे नाव घेताच डोळ्यासमोर येते ते दणकट शरीर, बुद्धिमान, शौर्य व धैर्याची मूर्ती एक महान देशभक्त आणि कुशल प्रशासक शिवाजी महाराज हे स्वतः धर्मनिष्ठ हिंदू राजे होते.अशाच महान राजाचा जन्म 19 फेब्रुवारी 1630 मध्ये शिवनेरी किल्ल्यावर झाला.मराठवाडय़ातील भोसले या वतनदार घराण्यातील मालोजींचे पुत्र शहाजी आणि सिंदखेडकर जाधव यांच्या कन्या जिजाबाई यांच्या पोटी शिवनेरी किल्ल्यावर झाला शिवाई देवीच्या नावावरून महाराजांचे “शिवाजी” असे नामकरण करण्यात आले. महाराजांना राज्यशासनाचे आणि युध्द कौशल्याचे धडे राजमाता जिजाऊंकडुन मिळाले.

लहानपणापासून राम आणि श्रीकृष्णाच्या कथा ऐकून अन्याय आणि अत्याचार करणाऱ्यांविरुद्ध त्यांच्या मनात चीड निर्माण झाली.शिवाजी महाराज यांच्या यशस्वी वाटचालीत आई जिजाऊचे मोलाचे श्रेय असून प्रत्येक महत्त्वाच्या प्रसंगी त्यांना जिजाबाईनी खंबीर मार्गदर्शन केले.मुघल साम्राज्य आपल्यावर करत असलेल्या अन्यायाची जाणीव त्यांना झाली. आणि या अत्याचारातून आपल्या जनतेला मुक्त करण्याचा वसा त्यांनी उचलला. शिवाजी महाराजांचा मृत्यू 3 एप्रिल 1680 मध्ये त्यांची तब्येत खालावत गेली आणि रायगडावर त्यांनी अखेरचा श्वास घेतला.एक उत्तम शासक,एक उत्तम राजा,मराठा साम्राज्याचे संस्थापक श्री छत्रपती शिवाजी महाराज कायम प्रत्येक भारतीयाच्या मनात आहेत अशा या महान राजाला 392 व्या. जन्मोत्सवानिमित्त कोटी कोटी प्रणाम..!

सौजन्य – R.J.NEWS




Share your love

Leave a Reply

Your email address will not be published. Required fields are marked *