NMMS परीक्षा : पेपर-1- मानसिक क्षमता चाचणी
घटक – दिनदर्शिका (Calendar)
NMMS (राष्ट्रीय आर्थिक दुर्बल घटकांसाठी शिष्यवृत्ती योजना) ही परीक्षा विद्यार्थ्यांसाठी एक महत्त्वाची संधी आहे. या परीक्षेमध्ये यश मिळवण्यासाठी चांगली तयारी आणि योग्य नियोजन गरजेचे आहे.
हा पोस्टमध्ये NMMS परीक्षेसाठी कसे नियोजन करावे,NMMS पेपर-1- मानसिक क्षमता चाचणी साठी आवश्यक घटक दिनदर्शिका याबद्दल सविस्तर माहिती व क्लृप्त्या देण्याचा आम्ही प्रयत्न केला आहे. याचा विद्यार्थ्यांना अभ्यासाठी नक्की उपयोग होईल. कर्नाटकातील विद्यार्थ्यांसाठी हा लेख विशेषतः उपयुक्त ठरेल,चला, तर मग आपल्या यशस्वी तयारीच्या प्रवासाला सुरुवात करूया!
दिनदर्शिका घटकावरील विस्तृत माहिती (NMMS बुद्धिमत्ता चाचणी)
दिनदर्शिका घटकाचा अर्थ:
दिनदर्शिकेवर आधारित प्रश्न हे तारखा, दिवस, महिने, आणि त्यांच्या संबंधित गणितीय व तार्किक विचारांवर आधारित असतात. या प्रकारचे प्रश्न सोडवण्यासाठी विद्यार्थ्यांनी खालील संकल्पना समजावून घेतल्या पाहिजेत:
1. महिन्यांचे दिवस:
जानेवारी: 31
फेब्रुवारी: 28/29 (लीप वर्ष)
मार्च: 31
एप्रिल: 30
मे: 31
जून: 30
जुलै: 31
ऑगस्ट: 31
सप्टेंबर: 30
ऑक्टोबर: 31
नोव्हेंबर: 30
डिसेंबर: 31
1.सर्वसाधारण वर्ष (सामान्य वर्ष) :–
365 दिवस
या वर्षात फेब्रुवारीचे – 28 दिवस
365 दिवस = 52 आठवडे + 1 दिवस (अतिरिक्त)
सामान्य वर्षात 1 दिवस जादा (अतिरिक्त) असल्यामुळे पुढील वर्षी त्याच तारखेला वार 1 दिवस पुढे जातो.
उदा.
1 जानेवारी 2002 – मंगळवार
1 जानेवारी 2003 – मंगळवार + 1 = बुधवार
1 जानेवारीला जो वार असतो तोच वार 31 डिसेंबरला असतो.
2. लीप वर्ष कसे ओळखावे?
लीप वर्ष म्हणजे ज्या वर्षाला 4 ने, व ज्या शतकाला 400 ने पूर्ण भाग जातो, त्याला लीप वर्ष म्हणतात.
उदा. 1980, 1996, 2000, 1600 इ.
लीप वर्ष :- 366 दिवस
या वर्षात फेब्रुवारीचे – 29 दिवस
366 दिवस = 52 आठवडे + 2 दिवस (अतिरिक्त)
लीप वर्षात ‘2 दिवस जास्त’ असल्यामुळे पुढील वर्षी त्याच तारखेला वार 2 दिवस पुढे जातो.
उदा.
1 जानेवारी 2004 – गुरुवार
1 जानेवारी 2005 – गुरुवार + 2 = शनिवार
महत्त्वाचे :-
7 दिवसांचा एक आठवडा असल्यामुळे प्रत्येक आठवड्याने तोच वार पुन्हा येतो.
उदा.
1 तारखेला जो वार असतो, तोच वार 8, 15, 22, आणि 29 तारखेला येतो.
निष्कर्ष:
NMMS परीक्षेसाठी अभ्यास करताना कॅलेंडर हा एक अत्यंत उपयोगी साधन ठरतो. परीक्षेच्या तारखा, महत्त्वाचे कार्यक्रम, आणि अभ्यासाचे नियोजन यासाठी कॅलेंडरचा योग्य वापर केल्याने विद्यार्थ्यांना वेळेचे व्यवस्थापन करता येते. त्यामुळे, विद्यार्थ्यांनी कॅलेंडरचा प्रभावीपणे वापर करून परीक्षेची तयारी वेळेत पूर्ण करावी व यशस्वी होण्याच्या दिशेने पावले उचलावी.
