शाळांमध्ये ‘वॉटर बेल’ उपक्रम : शालेय शिक्षण विभाग,बेंगळुरू यांचा एक महत्त्वाचा निर्णय..
राज्यातील सर्व सरकारी,अनुदानित व विनाअनुदानित शाळांमध्ये ‘वॉटर बेल’ (पाण्याची घंटा) वाजविण्याबाबत पी.एम. पोषण विभागाने काढलेल्या परिपत्रकाची सविस्तर माहिती. विद्यार्थ्यांच्या आरोग्यासाठी पाणी पिण्याचे महत्त्व,वॉटर बेल उपक्रमाची गरज व अंमलबजावणी याविषयी सविस्तर मार्गदर्शन करणारी माहिती खालीलप्रमाणे -:
“शाळांमध्ये ‘वॉटर बेल’ उपक्रम : विद्यार्थ्यांच्या आरोग्यासाठी पी.एम.पोषण योजनेंतर्गत शालेय शिक्षण विभाग,बेंगळुरू यांचा एक महत्त्वाचा निर्णय ”
राज्यातील सर्व सरकारी, अनुदानित व विनाअनुदानित शाळांमध्ये ‘वॉटर बेल’ (पाण्याची घंटा) वाजविण्याबाबत पी.एम. पोषण विभागाने काढलेल्या परिपत्रकाची सविस्तर माहिती. विद्यार्थ्यांच्या आरोग्यासाठी पाणी पिण्याचे महत्त्व, वॉटर बेल उपक्रमाची गरज व अंमलबजावणी याविषयी सविस्तर मार्गदर्शन करणारी माहिती खालीलप्रमाणे -:
विद्यार्थ्यांचे आरोग्य व सर्वांगीण विकास हे शालेय शिक्षण व्यवस्थेचे प्रमुख उद्दिष्ट आहे. याच उद्दिष्टाच्या पूर्ततेसाठी पी.एम.पोषण योजनेंतर्गत शालेय शिक्षण विभाग, बेंगळुरू यांनी एक महत्त्वाचा निर्णय घेतला आहे. दिनांक 14 जानेवारी 2026 रोजी निर्गमित केलेल्या परिपत्रकानुसार, राज्यातील सर्व सरकारी, अनुदानित व विनाअनुदानित शाळांमध्ये ‘वॉटर बेल’ (पाण्याची घंटा) वाजविण्याची अंमलबजावणी करण्याचे निर्देश देण्यात आले आहेत.
शाळांमधील अनेक विद्यार्थ्यांना अभ्यास, खेळ व इतर उपक्रमांमध्ये व्यस्त असल्यामुळे वेळेवर पाणी पिण्याची सवय नसते. यामुळे त्यांच्या आरोग्यावर विपरीत परिणाम होऊ शकतो. हे लक्षात घेऊन, विद्यार्थ्यांना वारंवार पाणी पिण्याची आठवण करून देण्यासाठी ‘वॉटर बेल’ उपक्रम सुरू करण्यात येत आहे.
पाणी हे मानवी शरीरासाठी अत्यंत आवश्यक घटक आहे. पाणी शरीराचे तापमान नियंत्रित ठेवते, अन्न पचनास मदत करते आणि शरीरातील घातक घटक बाहेर टाकण्यास सहाय्य करते. तसेच, स्वच्छ व सुरक्षित पाणी पिल्याने पाण्याद्वारे पसरणाऱ्या आजारांना आळा घालता येतो. लहान मुलांच्या बाबतीत पाण्याचे महत्त्व अधिक असल्याने, त्यांना योग्य वेळी पाणी पिण्याची सवय लागणे अत्यंत आवश्यक आहे.
या पार्श्वभूमीवर, एल.के.जी. व यू.के.जी. सहित सर्व स्तरांतील विद्यार्थ्यांसाठी शाळांमध्ये ठराविक वेळेला ‘वॉटर बेल’ वाजवून पाणी पिण्याची आठवण करून देण्याची नियमावली राबविण्यात येणार आहे. हा उपक्रम विद्यार्थ्यांच्या आरोग्य संवर्धनासाठी तसेच शालेय वातावरणात आरोग्यविषयक सवयी विकसित करण्यासाठी उपयुक्त ठरणार आहे.
निश्चितच, ‘वॉटर बेल’ उपक्रमामुळे विद्यार्थ्यांमध्ये पाणी पिण्याची सवय रुजेल, त्यांचे आरोग्य सुधारेल आणि ते अधिक ताजेतवाने व सक्रिय राहतील. हा निर्णय विद्यार्थ्यांच्या उज्ज्वल भविष्यासाठी एक सकारात्मक आणि स्वागतार्ह पाऊल आहे.
महत्त्वाच्या लिंक्स (Important Links)
LBA अनुदान वितरण करणेबाबत…
