वाचनाचे महत्व

    वाचन समृद्ध असले म्हणजे लेखनाचीही प्रवृत्ती
प्रबल होते, कल्पनाशक्तीला वाव मिळतो,रसिकता वाढीस लागते सृजनशीलतेला वाट सापडते, सहृदयता,
दुसर्याीच्या दु:खाची जाणीव,त्यांस आवश्यक
असणारे संवेदनशील मन यांस खतपाणी मिळते. खर्याु अर्थाने मानुषतेचेमूल्य अंगी
बाणते. सामाजिक जाणीव दृढ होते. इतरांबाबत, समाजाबाबत,
आपली काहीकर्तव्ये आहेत याचे भान प्राप्त होते. माता, पिता, शेजारी, समाज आणि
राष्ट्रापर्यंत आपलीही बांधिलकी आहे याची जाणीव जागृत राहते. मन संकुचित, क्षुद्र गोष्टीत अडकत नाही.ते विश्वात्मक होते.वाचनामुळे माणसाला माणूस
म्हणून असलेल्या अस्तित्वाचे मोल किती अनमोल आहे याचे भान प्राप्त झाल्याशिवाय
रहात नाही.